tokyo trip (9/25-10/1) day 3

第三日既行程就係我地真正旅行plan左既day 1
我地一早checkout 左擺左d 行李響reception
之後就仆去築地食壽司

- 錦糸町駅->清澄白河站轉大江戶線->築地市場站落車

** 我地買左都營同metro 既daypass 1000yen, for 我地呢日既行程係十個抵!!**

我地去到八點未夠, 就見到有d 香港人食完野走...
出到去行左陣, 間間都好多人
想食個間大和壽司仲要block埋條queue
就係咁, 我地就是但搵左一間食, 叫排隊既唔係好多人
就排響度等..... 點知佢係一round一round黎
入面仲有一個人食, 有十一個人走左都要等!!
wtf!~ 所以我地turn around 都等左四十五分鐘
食左半粒鐘唔夠就走了
因為入面唔俾影相..... 我都唯有走個時響門口影
間野叫 鮨文 , d sushi 都ok, staff 就好hk = = 有少少惡
之後我地行返出場外市場, 買左少少野就趕去下個景點了....

- 築地市場站 --> 都營大江戶線->赤羽橋

一出赤羽橋站就見到東京鐵塔
行左五至十分鐘就到啦, 我地搵左個位影相係十分之好....
又影到人又影到成座塔... 玩左陣就去買飛上塔了....
每人上去要 800yen, 不過都未上到頂, 再上就要再俾錢啦....
我地都係上去hea左陣, 買左幾張postcards 就走....
落返樓下時響 4/f 停, 有好多麵包超人, 影左陣相先走.....

- 赤羽橋--> 都營大江戶線->六本木

跟住去六本木睇下花師奶都周圍影下相....
中間有段小迷路, 浪費左十五分鐘既腳力
冇上到tokyo city view... 因為有少少趕
下次時間許可會再上去望下, 同埋要睇埋東京鐵塔熄燈!

-六本木--> 都營大江戶線->汐留->轉車去台場

由六本木既時侯都成兩點幾... 趕去台場望下彩虹橋
驚淺草個邊會收.... 行左個圈都走了...
( 因為太太太支力.... 返到hk 先記得miss左台場一丁目.... sorry lor!!)

-台場-->新橋->轉淺草線到淺草站

去到淺草轉一轉個彎就見到雷門啦,

過馬路個時有好多哥哥仔問坐唔坐人力車...

仲以為hk先仲有d 咁既野.......

響門口影左陣雷門個燈籠 (都影左好耐 = = )

就行入去廟啦.... 原本想買既人形燒有得唔使$$ 試

一要一人一舊,都係日本人大方

不過試完影埋相就打消左買既念頭了 (拎到返hk都到期啦....)

兜左個圈都天黑啦.... 又要趕下一站.... 返tobu 拎行李出池袋!

人已經支力到癲... 仲要拉個gip出jr... 再響勁大既池袋站搵出口

再再拖個gip返酒店..... 簡直係想死.......

其實兩間酒店同jr 既距離唔係好遠.... 只係太支力...

同埋唔知點解佢個jr 可以大到咁.......

去到 grand city hotel 都成八點

快快掉底左野抖一抖就出去食飯 (抖到唔想起= =)

因為唔知食咩好既關係 (旅程好多餐都冇plan過....)

就望一望書有冇好食.... 最後上左去jr 上面parco 7/f 既和幸....

揀左吉列蝦加豬.... 唔知係米真係太太太支力.... 食咩都好食

個椰菜芝麻醬沙津食極都可以再食 (仲可以refill)

豬扒炸得鬆軟, 不過應該搵野 "那" 成咁....

埋單兩個 2600 yen, 抵過響hk 食好多...........

評分: 4.5/5!!!

返到去個人好似散左... 支力到不能

隻豬仲要訓到完全不醒人事.....

我都可以挨到沖涼加上網...

不過十二點都要訓了.....@___@