booster trip to hokkaido (3rd-6th june '07)

講左成半年既booster trip終於成行了....
起初話四月去,跟住五月, 最後決定六月去,
你睇下我公司做野幾有efficiency~

好... 旅程由六月三日開始
早上相約hehe同vincy搭e22 到機場
今次我地跟東瀛遊到北海道四日三夜
同行有三個kf行同事, 兩個sales supervisor, 一高一矮sales 同一個ts同事
最勁當然就係我地kt 行... 有八個人去啦!!! wahhahaha


咁大個人第一次搭cx, 好期待, 搭完覺得同港龍係差唔多...well...
個飛機餐都幾好味既..... 有mable cheese cake 食架~!
成程要搭成六個鐘機.... 我好訓左兩三轉, 打陣機.... 睇下tv
好快就落機... 到達hokkaido....oops.... 都成三點幾.......


跟住我地去左溫泉旅館 (好似叫mahora?!).... 一到埗擺低左行李我就同阿ming去浸溫泉了!!
浸左陣... 舒服晒, 再去食個長腳蟹buffet... oishi~~~~
個度既牛好味到會溶.... d 長腳蟹好鮮甜.... 真係香港有錢都食唔到架!!!
之後其實再浸多轉溫泉先訓, 但係我飲左些少酒就面紅紅了
加上vincy 同cindy 肯第二朝冇人時去浸....
好!! 咁就一齊四個第二朝浸...!!

day2 朝早, 真係五點三爬左起身去浸溫泉
點解咁早都咁多人浸....
浸左陣出左去影陣相... 返左去食早餐就離開旅館
跟住我地去既只係兩分鐘車程既登別火山口
睇下d 煙標下咁......... 睇左一陣就上車去睇薰衣草~~


又搭左唔知幾耐車..... 黎到個所謂溫室啦
吃完個午飯 (註:唔好食....) 去睇我諗得八尺x六尺既草
hea左陣去整左個薰衣草pillow.... 真係唔該晒....
不過個度d 境真係好靚..... 下一站我地就去美瑛~
去到.... 原來我地係睇樹... 因為佢拍過廣告.... 超....米又係樹.......
跟住, 我地終於起程去市區啦!!! yeah~~~



旅遊巴將我地放左響狸小路商店街

領隊帶左我地去買手信, 有平wor....

我都有買左少少.... 真係好少.... 就咁就同wongsir 同ming 衝左去tokyu hands!

d porter 好靚, 亦都好貴, 放棄左

最後only買左個鴨仔coins bank就閃... 之後就掃左百貨公司同地下街

用左d時間搵agnes b同買agnes b, 當然我都係冇錢淨行.....

之後去左doutor 買hotdog 食.... 好流浪...haha

之後就集合晚膳... 再返酒店

夜晚一心諗住出去行.... 點知..... 電視做smap, 笑爆咀...成十一點先出發

一行四人, 我, ming, wongsir 同darling cindy 去左食拉麵

完全係雞同鴨講.... 要隻旦jei... 又要扮雞又要扮打旦... 辛苦晒!

食完晒去左激安之殿堂, 呢度幾時都係我去日本必去既地方....

又買左好多鴨仔... 買左少少野食.... 跟住打的返去.. 都好似成兩點幾....訓!

day3 我地首先去左白癡朱古力廠參觀.... 但係周圍影下相, 食下雪糕

之後就去有迷人夜景, 冬天去最靚既小樽運河望望

我地fit 晒啦..... 夏天既晨早去... wah... 同牛頭角d 臭河個樣米一樣!!

之後食左d 唔係好好味既lunch~不過, 唔打緊! 我地kt 已準備去食sushi

呢餐食唔飽就最好啦....!~ 我地去左間叫政壽司既野,

一set要成二百幾銀.... 港幣.... 好貴, 真係好好味....

平時我唔食既海膽都食晒......yeah~~~ 最後出左公數~老細萬歲~!!!!!

食飽飽都係響周圍行下........ 去左咩音樂盒城(好嘈...係好靚既.....)

之後又出返市區lu~~~~~

經我地kt colleague 話事下, 我地到左jr 札幌附近行街

(原先係行返狸小路!!! 我唔要...!!!!)

由開頭一大班人行... 淨返我同wong sir 周圍盪...

去左bic camera, loft... isetan.... disney store.. porter shop...

買得唔多野.... 行完又係食飯時間~~~ 食完我地其中五個request自己返去

再去行街.... 原來狸小路未行晒... 又未夾公仔...

好彩有個walkie talkie..... 我一丁友自己周圍行, 見到有peko妹妹cafe

買左未pudding, 食杯係佢黎~ 仲可以recycle用.... 去左夾公仔...

用完五百yen唔中算...... 行左second hand shop..... 冇人行行左陣走左....

中途同阿ming 去行100yen 店...... 行完搵返cindy 佢地就返酒店~好支力......

cindy叫人唔食pudding... 原來佢地買左birthday cake, 多謝晒kt行上上下下員工...

第一次響日本食生日旦糕..... 好難忘呢!!!!!! (我係認真架 = = )

最後一日既行程只係去左唔知咩廚拜神同行outlet

經過我響美國兩個半月outlet生涯後... 我唔會容許自己浪費時間~

最後響個度fing晒我餘下既錢.... nike, adiddas, beams boy, lego, laudary....

yeahyeahyeah~~~~~~~~~~~~~~~~~~~~~~~~~~~~

去到機場..... 爭扎左一陣買唔買蟹蟹好.... (冇跟團買, 太貴, 萬幾yen....)

最後買左細細地(都幾大隻,夠我地一家四口食).... 三千yen~ look card!!

返到去即刻拆黎食....好食到震........

btw, 成個trip最失敗係俾人響check gip時收左我五支candles (仲諗住拎去thailand)...

同埋兩支大益力多 (嗚嗚...... 我擺左響背嚢既鴨鴨rubbish bin度.......)

唔開心到而家... 係成個trip既..... 黑點>___<