食食食

每日辛辛苦苦返工賺錢
成日都想令自己好過點
食餐好就最好不過

公司附近上月開左間譚仔
米線大大碗又夠飽,
成為我地行成日去既午飯地方
最鐘意就係食竹笙, 真係好味~
不過個酸辣底時酸時辣,
可以standardise d 就好~~

街市附近仲有間食上海野同食雲南野
上海野個間都幾好味,
擔擔麵夠花生醬味間
雲南米線就有少少怪, 但好多食評都話好味 = =
真係人人都有不同口味ma!

月頭到過屯門小曼谷食泰國菜
味道中上, 但係價錢就好平
所以之後都有約過四樓層友去食多餐
每人都係四十幾蚊邊度搵?!

呢個禮拜摩斯漢堡店響apm開將
唔係講小, lunch時間第一時間去趁虛
(都已經係三點既時候)
條龍都係得廿人左近,
都唔知點解等左成半粒鐘有多先落order
俾完錢發覺唔對路, 留底左我響度拎take away算
返到公司已經又半小時既事
個包仲暖暖地肉汁鮮美, 薯條好淋, 好好味
送個杯野都好好味, 個湯不太咸都夠味
三十五蚊加一個鐘既時間,
我都覺得係抵既!!有時間會再去試rice burger!