元旦日!!

元旦日起身後就出銅鑼灣行bazzar, 個場好gap, 都係你唔好... 哈哈, 跟住諗住買飛睇戲,行左成個cwb 最後去到總統先有得睇; lunch去左榮記,無錯, 係個間唔知點解成日都好多人排響門口個間, 因為有人話要食, 米試下囉, 十八蚊三拼, 碗麵細到癲, 隔離個女人食左兩碗, 又唔係特別好味, 終之就係唔值啦= =

食完直踩去世貿打機, 個度打機好貴, 但無煙係最好既, 又夾唔到nova, 我會死心呢....今日玩咩都衰咩, 哈... 衰開有條路, 衰氣快d 遠離我!! 玩左mario kart 呀, 好好玩, 平d就好啦, 可以玩多次ma, 有冇人知邊度會平d 呢...????????? hea hea下就去睇戲- 情義我心知, 杜文澤做得好好, 故事發展得幾好, 不過我都睇左兩次錶 (我多數都係以睇錶次數黎衝量套戲好唔好睇)...



夜晚聽903, 一個平平無奇既頒獎禮, 好悶, 點解hocc 唔羅金, 點解hocc冇歌入十大, 點解浮誇又入唔到十大, 古怪........
楊千fa今年金句: 嬴係嬴自己, 輸都係輸自己~